London klubi futbolchisi “Atletiko Madrid” klubiga o‘tishi kerak edi. Ammo ba’zi muammolar sabab futbolchi Angliyaga qaytishga majbur bo‘ldi.
Endi “Chelsi” yarim himoyachisi ketishi kutilayotgan jamoadoshlari Chaloba va Romelu Lukaku bilan birga klubning yoshlar jamoasida mashg‘ulotlarni davom ettirishi kutilmoqda.
Avvalroq “Atletiko” angliyalik yarim himoyachini 34 mln funtga sotib olishi xabar qilingandi, ammo “Chelsi” bilan kelishuv haligacha yopilmagan. Madridliklar hujumchisi Samu Omorodionning “aristokratlar” safiga transferi muvaffaqiyatsizlikka uchragach, klublar kelishuvga Joau Feliksni qo‘shish imkoniyatini muhokama qilmoqda.
Tibbiy ko‘rikdan o‘tgan va transfer e’lon qilinishini kutayotgan Gallaher so‘nggi besh kunni Madriddagi mehmonxonalardan birida mustaqil mashg‘ulotlar bilan o‘tkazgandi.
Ma’lumot uchun, yoz boshida 24 yoshli ingliz futbolchisi “Chelsi”ning yangi shartnoma bo‘yicha taklifini, shuningdek, “Aston Villa”ga o‘tish imkoniyatini ham rad etgandi. Endi u “Atletiko” transferga qaytishini yoki boshqa klublardan takliflarni kutishi kerak.
Izoh (0)