Илкай Гюндоган Премьер Лигага қайтмоқда. Галлаҳер эса Лондон шаҳридан Мадрид жамоасига кўчиб ўтди. Бу ҳақда Фабрицио Романо хабар бермоқда.
33 ёшли ярим ҳимоячи Гюндоган “Барселона” билан шартномани бекор қилди ва эркин агент сифатида Англиянинг “Манчестер Сити” клубига ўтди.
Германиялик футболчи 2016 йилдан 2023 йилгача “шаҳарликлар” сафида ўйнаган ва ўтган ёзда Испаниянинг “Барселона” сафига қўшилганди.
Каталонияликлар сафида 35 ўйинда қатнашган футболчи 5 та гол урди ва 8 та голли узатмани амалга оширди.
Испаниянинг “Атлетико” клуби Лондоннинг “Челси” клуби ярим ҳимоячиси Конор Галлаҳер трансферини эълон қилди.
Мадрид клуби англиялик футболчи билан 2029 йилга қадар шартнома имзолади.
Инсайдер Фабрицио Романо хабарига кўра, Конор Галлаҳернинг трансфери учун Мадрид клуби Лондон жамоаси ҳисоб рақамига 42 миллион евро ўтказиб беради.
Маълумот учун, Галлаҳер ўтган мавсумда жами 50 ўйинда майдонга тушиб, 7 та гол ва 9 та ассистга муаллифлик қилган.
Аввалроқ Галлаҳер баъзи муаммолар сабаб футболчи Мадриддаги меҳмонхонада 5 кун яшаб Лондонга қайтишга мажбур бўлгани хабар қилинганди.
Изоҳ (0)