24 yoshli norvegiyalik futbolchi, “Manchester Siti” hujumchisi, Premyer Liganing 2023/2024-yilgi mavsumi to‘purari Erling Holand jamoadoshi Filipp Fodenning eng yaxshi futbolchi sifatida tan olinganiga munosabat bildirdi.
“Menimcha, Foden shunchaki ajoyib inson. U bilan bir jamoada o‘ynashimdan juda mamnunman. Fil haqiqatan ham aqlbovar qilmaydigan futbolchi. Buni hech kim ko‘rmaydi, lekin uning mashg‘ulotlarda amalga oshirayotgan ishlari ham fantastika. U bilan o‘ynayotganim uchun o‘zimni omadli deb bilaman”, deya Holandning so‘zlarini keltiradi Fotmob.
Ma’lumot uchun, o‘tgan mavsumda Filipp Foden 53 o‘yin o‘tkazib, 27 ta gol urdi va 12 golga assistentlik qildi. Futbolchining klub bilan amaldagi mehnat shartnomasi 2027-yilning yoziga qadar tuzilgan.
Transfermarkt internet portaliga ko‘ra, futbolchining taxminiy narxi 150 million yevroni tashkil qiladi.
Izoh (0)