28 yoshli ispaniyalik futbolchi, 2024-yilgi Yevropa chempionati sovrindori Rodri kimni eng buyuk futbolchi deb bilishi haqida gapirdi. Bu haqda Goal portali xabar bermoqda.
Manbaga ko‘ra, yarim himoyachidan barcha davrlarning eng yaxshi futbolchisi kim ekani haqida o‘z fikrini bildirish so‘ralgan. Futbolchi Krishtianu Ronaldu yoki Lionel Messini emas, balki Kevin De Bryuyne nomini aytgan.
E’tiborlisi, Rodri De Bryuyneni eng zo‘r futbolchi deb atagan yagona “Manchester Siti” futbolchisi emas. “Shaharliklar”ning yana bir o‘yinchisi, Jek Grilish ham yanvar oyida belgiyalik futbolchini eng yaxshi o‘yinchi ekanini qayd etgandi.
O‘tgan mavsumda De Bryuyne “Manchester Siti” safida barcha turnirlarda 26 o‘yin o‘tkazib, 6 ta gol urdi va 18 ta golli uzatmani amalga oshirdi.
Izoh (0)