24 ёшли норвегиялик футболчи, “Манчестер Сити” ҳужумчиси, Премьер Лиганинг 2023/2024 йилги мавсуми тўпурари Эрлинг Ҳоланд жамоадоши Филипп Фоденнинг энг яхши футболчи сифатида тан олинганига муносабат билдирди.
“Менимча, Фоден шунчаки ажойиб инсон. У билан бир жамоада ўйнашимдан жуда мамнунман. Фил ҳақиқатан ҳам ақл бовар қилмайдиган футболчи. Буни ҳеч ким кўрмайди, лекин унинг машғулотларда амалга ошираётган ишлари ҳам фантастика. У билан ўйнаётганим учун ўзимни омадли деб биламан”, дея Ҳоланднинг сўзларини келтиради Fotmob.
Маълумот учун, ўтган мавсумда Филипп Фоден 53 ўйин ўтказиб, 27 та гол урди ва 12 голга ассистентлик қилди. Футболчининг клуб билан амалдаги меҳнат шартномаси 2027 йилнинг ёзига қадар тузилган.
Transfermarkt интернет порталига кўра, футболчининг тахминий нархи 150 миллион еврони ташкил қилади.
Изоҳ (0)