Kelinning o‘qigani yaxshimi yoki uy ishlarini bilishining o‘zi yetarlimi? Ba’zilar o‘qigan kelin aql o‘rgatadi deb qo‘rqsa, ayrim qaynonalar o‘qimishli kelin ziyoli nabiralarni tarbiyalaydi deb hisoblaydi. Yurtdoshlarimizning shu haqidagi fikrlari bilan qiziqdik.
— Talaba qizni kelin qilasizmi?
— Albatta, kelinning o‘qimishli bo‘lgani yaxshi-ku. Ilmli qizning dunyoqarashi keng, fikrlashi yuqori bo‘ladi. O‘zim o‘qish tarafdoriman, shuning uchun faqat talaba qizlarni kelin qilamiz, nasib qilsa, dedi yo‘lovchi ayol.
— Ayni vaqtda talabani kelin qilganmiz, uy ishlarida yordam berib o‘qishiga sharoit yaratib beryapmiz, deya javob berdi buxorolik onaxon.
— Talabaga uylanmayman, ayol kishi tikish-bichishni bilishining o‘zi yetarli. Hammaning shaxsiy fikri bor, bo‘lajak ayolim bolalarga qarab uyda o‘tiradi, deydi yoshroq yigit.
![](/static/2024/08/20/photo_2_2024-08-20_10-44-40-UkoWeS7j.jpg)
— Talabaning kontrakt to‘lovi, kunlik xarajatlari bo‘ladi. O‘qishiga imkon yaratib berasizmi yoki ayollar uyda o‘tirgani yaxshimi?
— O‘qigan ayol keyinchalik ishlab oilasiga yordam beradi, albatta, o‘qitamiz. O‘zim nafaqadaman, kerak bo‘lsa, shartnoma pulini nafaqamdan to‘lab beraman, deydi keksa ayol.
— Hozir sharoitim yo‘q, lekin talabaga uylansam, albatta, qo‘limdan kelgancha to‘lovlarini qoplashga harakat qilaman, dedi yo‘lovchi yigit.
— Uylansam, ayolim uyda o‘tiradi, ko‘chaga chiqarib qo‘ymayman. O‘qishi uchun kitob va boshqa kerakli narsalarni o‘zim olib kelib beraman, deya javob berdi sotuvchi yigit.
![](/static/2024/08/20/photo_3_2024-08-20_10-44-40-U8T6RFZm.jpg)
![](/static/2024/08/20/photo_1_2024-08-20_10-44-40-tGR6efPa.jpg)
So‘rovnomaning to‘liq shaklini “Daryo” ning YouTube’dagi kanalida tomosha qilishingiz mumkin.
Izoh (0)