Moskvaga qarshi sanksiyalar doirasida Yevropa Ittifoqida muzlatilgan Rossiya aktivlarining bir qismi Chexiya tashabbusi bilan Ukraina uchun o‘q-dorilar sotib olishga yo‘naltiriladi. Bu haqda Chexiya mudofaa vaziri Yana Chernoxova xabar berdi.
![](/static/2024/08/20/photo_2024-08-20_18-36-27-BMo1AMsI.jpg)
Chernoxovaning so‘zlariga ko‘ra, blok rahbariyati bir necha hafta oldin tegishli taklif bilan Pragaga murojaat qilgan. Mamlakat Mudofaa vazirligi pul ajratuvchi YI va qurol yetkazib beruvchilar o‘rtasida vositachi rolini o‘ynaydi.
Vazir Kiyev “bir necha yuz ming yirik kalibrli o‘q-dorilar” olishini kutmoqda.
G‘arb mamlakatlarida 2022-yilda Ukrainada urush boshlanganidan so‘ng Rossiyaning qariyb 280 milliard dollarlik aktivlari bloklangan edi. 2023-yilda 4,4 milliard yevro sof foyda keltirgan Belgiyaning Euroclear depozitariysining uchdan ikki qismidan ko‘prog‘i, Financial Times’ning hisob-kitoblariga ko‘ra, 2027-yilga kelib umumiy foyda 20 milliard yevroga yetishi mumkin.
Iyul oyi oxirida Yevrokomissiya muzlatilgan aktivlardan foydalangan holda Kiyevga 1,5 milliard yevro miqdorida yordam ajratilishini e’lon qilgan edi. Mablag‘larning 90 foizi “eng muhim harbiy texnika”, ya’ni havo mudofaasi tizimlari va artilleriya o‘q-dorilarini sotib olishga, qolgan qismi Ukrainani tiklashga yo‘naltiriladi. Kreml Yevropa Ittifoqining qarorini noqonuniy deb atagan. Rossiya tomoni Ukraina armiyasiga qurol yetkazib berilishini qoralagan.
Chexiya fevral oyida Ukraina uchun 500 mingta 155 mm va 300 mingta 122 mm snaryadlarni YI va NATOga a’zo bo‘lmagan davlatlar arsenalidan topmoqchi ekanini e’lon qilgan edi. Tashabbusga 20 ta davlat qo‘shilgan. Snaryadlarning birinchi partiyasi iyun oxirida Kiyevga yetkazilgan.
Izoh (0)