Slovakiya bosh vaziri Robert Fiko hukumatining Ukrainaga nisbatan siyosatiga norozi bo‘lgan Slovakiya aholisi Ukraina artilleriyasi uchun 2700 ga yaqin snaryad uchun shaxsiy tashabbus sifatida pul yig‘ishdi, deya BBC xabar berdi.
“Ukrinform” agentligining Chexiyaning CTK agentligiga tayanib xabar berishicha, yig‘in tashkilotchilari va ularning chexiyalik hamkorlari Chexiyaning STV Group harbiy-sanoat kompaniyasi bilan 2692 dona snaryad sotib olish bo‘yicha muzokaralar olib bormoqda.
Mablag‘ yig‘ish tashkilotchilari, bu haqda uch hafta oldin e’lon qilib, dastlab million yevro yig‘ishni kutgan, ammo bu miqdorga ikki kun ichida erishilgan. 9-mayga o‘tar kechasi, “Ukraina uchun o‘q-dorilar” tashabbusi saytida bu mablag‘ 4,189 million yevroni tashkil etgan.
Deyarli 66 ming kishi xayriya qilgan, ulardan biri birdaniga 100 ming yevro bergan.
Bosh vazir o‘z saylovchilariga uning davrida Slovakiya Ukrainaga birorta ham o‘q yubormasligini aytgan. Fiko, shuningdek, Ukraina uchun snaryadlar sotib olish bo‘yicha 20 ga yaqin davlat qo‘shilgan.Chexiya loyihasida ishtirok etishdan bosh tortgan.
Slovakiya bosh vazirining aytishicha, G‘arbning Ukrainaga ko‘rsatayotgan yordami faqat urushni cho‘zmoqda, Kiyev qurollarini tashlab, Moskva bilan muzokara boshlashi kerak.
Izoh (0)