Fransiyaning Parij shahrida yozgi Olimpiada o‘yinlari 11-avgust kuni o‘z nihoyasiga yetdi. Ushbu Olimpiya o‘yinlari bir qancha shov-shuvli voqealari va tarixiy natijalari bilan ham esda qoldi.
Parij—2024 yangi yulduzlarni kashf etdi, qaysidir buyuk sportchilarni darajasini yanada oshirdi, shuningdek, super qahramonlarning orzularini ro‘yobga chiqardi.
Quyida Olimpiadaning 31 qahramoni haqida so‘zlaymiz.
Novak Jokovich, tennis
Serb o‘zining beshinchi urinishida yakkalik bahslardagi maqsadiga erishdi va o‘z faoliyatida yetishmayotgan medalni sovrinlari orasiga qo‘shib qo‘ydi.
Lebron Jeyms, basketbol
32 yilda iroda ko‘rsatgan (ayniqsa, serblar bilan yarim finalda) drim-timning eng kuchli ideologi va yetakchisi.
Stefan Karri, basketbol
36 yoshida Olimpiadada debyut o‘tkazdi, turnir davomida fantastik o‘yin namoyish etdi va finalda fransuzlarni “uxlashga” majbur etdi.
Arman Dyuplantis, balandlikka sakrash
Yarim kechasi u bir o‘zi 75 ming tomoshabinni o‘z bag‘riga sig‘dira oladigan “Stad de Frens”ni diqqatini o‘ziga qarata oldi. So‘nggi urinishida esa jahon rekordini o‘rnatdi: 6,25. 5 yildan kam vaqt ichida Mondoning to‘qqizinchi rekordi.
Leon Marshan, suzish
Olimpiadada 4 ta oltin olish — suzish sportida eng yuqori natija emas, lekin Marshan — fransuz jamoatchiligi uchun qahramonga aylangan, yanada nozik masalalarda mo‘jizalar ko‘sata oldi: tiklanish tezligi (suzishlar orasi 2 soatdan kam vaqt olardi) va bir-biriga mos kelmaydigan usullarni birlashtira olish qobiliyati (200 batterflay + 200 brass usuli).
Pan Chjanle, suzish
Parijdagi ikkita rekordning muallifi. 100 metrga erkin usulda suzishda bir soniyadan ham ko‘proq vaqt oralig‘i hatto raqiblarni ham g‘azablantirgan.
Sifan Hassan, yengil atletika
5000 m masofadada bronza, keyin 10 ming m masofada ham bronza, 36 soatdan so‘ng marafonda oltin medal. Niderlandiyadan kelgan yuguruvchi Olimpiadaning barcha ishtirokchilaridan ko‘ra ko‘proq masofani bosib o‘tgan — bu ajoyib ko‘rsatkich.
Keti Ledeki, suzish
Parijdagi oltin dubl Ledekini 9 karra Olimpiada chempioniga aylantirdi, bu borada faqat Maykl Felps undan oldinda. Va u hali chekinishni istamayapti, Keti atigi 27 yoshda va keyingi Olimpiada uning yurtida bo‘ladi.
Teddi Riner, dzyudo
O‘z uyidagi Olimpiada, ikkita oltin, koreyalik raqibi bilan jangda tushirilgan, virusdek tarqalgan surat. Olimpiadani bundan boshqa yana samarali yakunlash mumkinmi?
Ervin Ngapet, voleybol
Fransiya finalda Polsha terma jamoasini ko‘rdim demadi. Deyarli 100 ochko to‘plagan Ervin voleybol turnirining eng yaxshi o‘yinchisi bo‘ldi.
Bahodir Jalolov, boks
Jalolov ketma-ket ikkinchi bor Olimpiada g‘olibligini qo‘lga kiritdi. Og‘ir vazn toifasida ikki marta oltin medalni yutgan yagona bokschi. Shu bilan birga O‘zbekiston boks terma jamoasi 5 ta oltin medalga ega chiqdi (faqatgina Kuba 2004-yilda bu natijani qayd etgan).
Jalolov finaldagi g‘alabadan so‘ng havaskor boksdagi faoliyatiga yakun yasadi.
Paola Egonu, voleybol
Egonu ayollar o‘rtasidagi eng qimmat o‘yinchi deb topildi. Usiz Italiya tarixiy oltin yutib olishi dargumon edi.
Yusuf Dikech, pnevmatik to‘pponchadan o‘q otish
Dikech faqat g‘oliblar esda qoladi degan afsonalarni parchalab tashladi va ushbu Olimpiadada eng mashhur kumush medal sohibiga aylandi. Uning unutilmas pozasi barcha yulduzlar tomonidan takrorlandi.
Kim E Ji, pnevmatik to‘pponchadan o‘q otish
Biz eslab qoladigan yana bir kumush medal sohibi: zamonaviy obraz va nafis detallar.
Mixain Lopes, kurash
Beshta Olimpiada — kubalikning besh g‘alabasi. Qoyilmaqom natija.
Simona Bayls, sport gimnastikasi
Amerikalik sportchi g‘alabalar soni bo‘yicha Larisa Latininaga yeta olmadi, lekin yaqinlashdi: Parijdan uchta oltin va kumush olib ketdi. Los-Anjeles Olimpiadasida (2028) u 31 yoshda bo‘ladi va qolib, rekordlarni buzish yo buzmaslikni o‘zi hal qiladi.
Yosip Vrlich, suv polosi
Musobaqada xorvatlar kumush medalni qo‘lga kiritdi, biroq Vrlich barcha e’tiborni o‘ziga qaratdi.
Izabel Vert, ot sporti
Nemis ilk Olimpiada medalini 1992-yilda qo‘lga kiritgan. Hozirda 55 yoshda bo‘lgan sportchi Parijda oltin va kumush medalga ega chiqdi. Izabel 7 ta turnirda medal qo‘lga kiritgan yagona sportchi hisoblanadi.
Lasha Talaxadze, og‘ir atletika
Gruziyalik supermen deyarli 10 yildan buyon yirik turnirlarda yengilmayapti: 7 marta jahon chempionatida, 7 marta Yevroda g‘alaba qozongan. Endi esa Olimpiadada uchinchi oltin medalini qo‘lga kiritdi.
Dayana Taurazi, basketbol
6-Olimpiadada 6-g‘alaba — jamoaviy sport turida bunaqasi bo‘lmagandi. Taurazi 42 yoshda va hali Los-Anjeles—2028 da ham ishtirok etishni maqsad qilgan.
Iman Halif, boks
Butun Olimpiada davomida mashmalar markazida bo‘ldi, biroq oxirida g‘olib bo‘ldi va oltin medalni Jazoir ayollariga bag‘ishladi.
Jyulen Alfred, yugurish
Dunyodagi eng tezkor ayol: 100 metrga yugurishda oltin medal, 200 metrga yugurishda kumush medalni qo‘lga kiritdi va Sent-Lyusiyani Olimpiada xaritasiga kiritdi: hozircha Alfred bu mamlakatdan medal qo‘lga kiritgan yagona sportchi.
Noa Layls, yugurish
Amerikalik sprinter 4 ta medalni maqsad qilgandi, biroq bittasini qo‘lga kiritdi. Muhimi, eng nufuzlisida — 100 metrga yugurishda.
Darya Varfolomeyev, badiiy gimnastika
Shaxsiy ko‘pkurashlarda Germaniya uchun oltin medalni qo‘lga kiritdi.
Kim Vu Jin, kamondan o‘q otish
Koreyalik sportchi Parijda het-trik qayd etdi va o‘z sport turida eng yaxshisi sifatida tarixga kirdi — uning hisobida Olimpiadadagi 5 ta g‘alaba bor.
Ma Lun, stol tennisi
Xitoy Olimpiadada medallar soni bo‘yicha g‘alaba qozonishiga oz qoldi. Ma Lun esa mamlakat tarixidagi eng sovrindor sportchi hisoblanadi. (6 ta chempionlik)
Viktor Akselsen, badminton
Daniyalik xitoyliklarni qanday mag‘lub etishni biladi. U eng yaxshilardan tahsil oldi, tilni puxta o‘rgandi va ikkinchi Olimpiada medalini qo‘lga kiritdi.
Ivan Litvinovich, batutda sakrash
Parijda sharafiga neytral sportchilar madhiyasi yangragan yagona sportchi. Belaruslik uch yil avval Tokioda qo‘lga kiritgan chempionlik unvonini munosib himoya qildi.
Remko Evenepul, veloshosse
Boshqa raqiblariga hech qanday imkoniyat qoldirmadi va ikkita oltin medalni qo‘lga kiritdi. Shuningdek, Eyfel minorasi bilan eng chiroyli suratni ham taqdim etdi.
Mirra Andreyeva va Diana Shnayder, tennis
Rossiya uchun yagona medal — juftlikda kumush medalni qo‘lga kiritdi.
Yevgeniya Chikunova, suzish
So‘nggi haftada titul sohibasiga aylandi: ikki karra Olimpiada chempioni — yana to‘rt yil davomida u shu tarzda yodga olinadi.
Izoh (0)