Taniqli promouter Eddi Hirn (Matchroom Boxing) Parij Olimpiadasida ishtirok etgan bokschilarning 4-5 nafari bilan hamkorlik qilmoqchiligini ma’lum qildi.
Hirnni faqatgina g‘oliblar qiziqtirmayapti: “Shunday chempionlar bo‘ldiki, ular prof ringda samarali harakat qilishiga ishonch uyg‘ota olmadi. Va shunday bokschilar bo‘ldiki, turnir boshidayoq chiqib ketdi, lekin prof boksda ular natija ko‘rsata oladi”.
Promouter ko‘z ostiga olib qo‘ygan bokschilar nomini aytib o‘tdi.
Masalan, Matchroom direktori 1/8 finalda ishtirokini yakunlagan og‘ir vazn toifasi vakili Patrik Braunga qiziqish bildirmoqda. Shuningdek, turnirda medalni qo‘lga kiritgan Omari Jons ham qiziqishlar doirasida.
Meksikalik Marko Verde ham Eddi Hirnning nazariga tushgan. Ro‘yxatda Keytlin Parker va Teremoana Teremoana ham bor.
5 ta oltin medalni qo‘lga kiritigan O‘zbekiston vakillari Eddi Hirnda iliq taassurot qoldirgan. Eddi birinchi o‘rta vazn toifasi vakili Asadxo‘ja Mo‘ydinxo‘jayev bilan shartnoma imzolashni istamoqda.
Eslatib o‘tamiz, -71 kg vazn toifasida harakat qiladigan Asadxo‘ja Parij Olimpiadasida meksikalik Marko Alonso Verdeni taslim etib, oltin medalga ega chiqqan edi.
Izoh (0)