O‘tgan mavsumda “Brayton”da ijara asosida o‘ynagan “Barselona"ning 21 yoshli hujumchisi Ansu Fati “Fenerbaxche”ga o‘tishi mumkin, deb xabar bermoqda Sport.es internet nashri.
Manbaga ko‘ra, turk klubi sport direktori yaqinda futbolchining agenti Jorje Mendes va “Barselona” sport direktori Deko bilan futbolchi haqida gaplashgan. “Fenerbahche” bosh murabbiyi Joze Mourinyo Fatini yangi loyihasida ko‘rishni istamoqda va u yana jamoaning muhim futbolchiga aylanishi mumkinligiga ishonchi komil.
Qayd etilishicha, “Barselona” futbolchining xizmatlaridan foydalanish haqida bir qarorga kelmagan: Kataloniya klubi bosh murabbiyi Xans Flik mavsumoldi mashg‘ulotlarda uning jismoniy holatiga baho beradi.
Eslatib o‘tamiz, o‘tgan mavsumda ispaniyalik futbolchi “Brayton” safida 30 ta o‘yin o‘tkazib, 4 ta gol urgan va bitta golli uzatmani amalga oshirgan. 2023-yilning sentyabrida ispaniyalik futbolchi “Barselona”dan ijara asosida “Brayton”ga o‘tdi. Ijara shartnomasida futbolchini sotib olish sharti belgilanmagan. Transfermarkt internet portaliga ko‘ra, hujumchining taxminiy narxi 25 million yevroni tashkil qiladi.
Izoh (0)