Turkiyaning kamida uchta provinsiyasida o‘rmon yong‘inlari kuzatildi. Magistral yo‘llardan birida transport harakati to‘sib qo‘yildi. Bu haqda “RIA Novosti” xabar berdi.
Birinchi yong‘in Izmir provinsiyasining Karajadag‘ qishlog‘i hududida boshlangan va uni havodan o‘chirishga kirishishgan. Turkiya Mudofaa vazirligi o‘t o‘chiruvchilarga yordam berish uchun qo‘shimcha beshta vertolyot jo‘natgan. Bir qishloq aholisi evakuatsiya qilingan.
Yana bir yong‘in Izmir provinsiyasining Cheshme kurort hududida, Germiyan qishlog‘i yaqinida, shuningdek, Izmir-Cheshme avtomobil yo‘li yaqinida sodir bo‘lgan.
They are #burning whole life in #Turkey. Nature in #fire. #Fire in 47 regions simultaneously! pic.twitter.com/4bQQbRZ2Se
— Can DEMIR (@TCcanndemir) June 30, 2024
Chanoqqal’a provinsiyasidagi o‘t o‘chiruvchilar Ezine hududidagi qishloq xo‘jaligi maydonlarini qamrab olgan yong‘inni o‘chirmoqda, ikki qishloq aholisi evakuatsiya qilingan. Bundan tashqari, Izmirdagi Pamujak qishlog‘i yaqinida ham o‘rmon yong‘ini boshlangan va tez orada qo‘shni Oydin provinsiyasidagi Kushadasi kurortidagi o‘rmonga o‘tgan.
Selchuk-Kushadasi avtomobil yo'lida transportlar harakat to'xtatilgan. Bu yerdagi yong‘in to‘rtta samolyot va beshta vertolyot yordamida havodan o‘chirilmoqda.
🇹🇷 - Wildfires are active tonight near Kuşadası, Turkey. According to @solcugazete, 44 different fire outbreaks have been recorded throughout the day in the country. | @Florian99815909 pic.twitter.com/c8PKVDVx0M
— Faytuks Network (@FaytuksNetwork) June 29, 2024
O‘tgan hafta Turkiyaning Diyorbakir va Mardin provinsiyalari o‘rtasida sodir bo‘lgan o‘rmon yong‘inida 11 kishi halok bo‘lgani, 80 ga yaqin kishi jarohatlangani ma’lum bo‘lgandi.
Izoh (0)