Chili markazidagi Valparaiso hududida sodir bo‘lgan o‘rmon yong‘inlari oqibatida halok bo‘lganlar soni 100 kishidan oshdi. Bu haqda Ichki ishlar vaziri o‘rinbosari Manuel Monsalve T13 telekanali efirida ma’lum qildi.
“So‘nggi ma’lumotlarga ko‘ra, 112 kishi halok bo‘ldi”, — dedi Monsalve.
Bungacha davlat sud-tibbiyot xizmati Valparaisoda sodir bo‘lgan o‘rmon yong‘ini qurbonlari soni 99 kishiga yetgani haqida xabar bergan edi. U hozirgacha faqat 32 jasadning shaxsi aniqlanganini ma’lum qilgan.
Chili prezidenti Gabriel Borich 2 fevralda boshlangan yong‘inlar sababli mamlakatda ikki kunlik motam e’lon qilgan.
Avvalroq Borich o‘rmon yong‘inlari sababli Valparaisoda ham favqulodda holat e’lon qilgandi.
Eng ko‘p zarar ko‘rgan hududlar Valparaiso va O’Higgins edi, hatto ikkinchi hududda qizil ogohlantirish bo‘lgan. O‘t o‘chiruvchilarning erkin harakatlanishini taʼminlash maqsadida hududda soat 08:00 dan 12:00 gacha komendantlik soati joriy etilgan. Rasmiylarga ko‘ra, alanga 40 ming gektardan ortiq maydonni qamrab olgan.
Izoh (0)