Britaniya qiroli Charlz III ning singlisi malika Anna otdan yiqilishi natijasida miyasi chayqalib, xotirasi qisman yo‘qoldi. Bu haqda Daily Telegraph nashri xabar berdi.
Aniqlik kiritilishicha, malika Anna otda kechki sayr chog‘ida jarohatlangan: uning boshidan olgan jarohatlari otning tuyog‘i yoki kallasidan zarba olganidan dalolat bergan. Biroq malikaning miyasi chayqalgani sababli voqeaning aniq tafsilotlarini hozircha aniqlab bo‘lmagan.
Shifokorlarga ko‘ra, Angliya qirolining 73 yoshli singlisi Bristol chekkasidagi Sautmed kasalxonasiga joylashtirilgan.
U asta-sekinlik bilan tuzalmoqda, deya shifokorlar ma’lum qilgan.
- Ma’lum bo‘lishicha, malika Anna — ot sporti ishqibozi.
U bundan avval ham ko‘p marta ot bilan bog‘liq jarohatlar olgan. 1964-yilda 14 yoshida ot jilovi Annaning barmog‘ini sindirishiga bir baxya qolgan. 1973-yilda u Kiyevda bo‘lib o‘tgan chempionatda otdan yiqilib, musobaqani tark etishga majbur bo‘lgan. Ikki yil o‘tgach, 1975-yil aprel oyida uning Mardi Gras oti sakrash paytida uni Avon daryosiga uloqtirgan.
1976-yilda malika otda eng jiddiy jarohat olgan: Dorsetdagi poygada otdan yiqilganida, jonivor uni ezib tashlagan. Malika hushini yo‘qotgan, umurtqa pog‘onasi singan. Keyinchalik u yiqilganini eslay olmasligini aytgan.
Izoh (0)