Janubiy Koreya prezidentining O‘zbekistonga tashrifi, Toshkentda ikkita avtobus to‘qnashishi oqibatida 4 kishi jarohatlanishi, Indoneziyaning O‘zbekistondagi elchisi Toshkentda vafot etishi — “Daryo” nashri bugun, 14-iyunda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Markaziy bank 11 ta bankka nisbatan jarima sanksiyasini qo‘lladi
Bitta mikromoliya tashkilotining esa kreditlash operatsiyalarini amalga oshirish faoliyati uch oy muddatga cheklandi.
Saudiya Arabistoni xayriya markazi O‘zbekistonga 25 tonna xurmo hadya qildi
Endilikda ushbu xurmolar “Vaqf” fondi filiallari orqali ijtimoiy ko‘makka muhtoj fuqarolarga tarqatiladi.
Indoneziyaning O‘zbekistondagi elchisi Toshkentda vafot etdi
Sunario Kartadinata 2019-yildan beri O‘zbekistonda diplomatik faoliyat olib borayotgandi.
Bo‘stonliq va Parkentga boradigan yo‘lda transport vositalarining harakatlanish yo‘nalishi vaqtincha o‘zgardi
Bu dam olish kunlarida tirbandliklarning oldini olish maqsadida amalga oshirilmoqda.
Ko‘ksaroyda Janubiy Koreya prezidentini rasmiy kutib olish marosimi bo‘lib o‘tdi (foto)
Qarorgoh oldidagi maydonda ikki davlat bayroqlari ko‘tarildi va faxriy qorovul saf tortdi. Shavkat Mirziyoyev oliy martabali mehmonni samimiy qarshi oldi va shohsupaga taklif qildi.
O‘zbekistonda ayrim bino va inshootlarni ro‘yxatga olish va topshirish muddati o‘zgarmoqda
Muqaddam ro‘yxatdan o‘tmagan holda qurilgan bino va inshootlardan foydalanish uchun ruxsatnoma berilmasligi belgilangandi.
O‘zbekiston va Janubiy Koreya xavfsizlik va mudofaa sohasida yaqin aloqalarni o‘rnatadi
Ikki davlat rahbarining tor doiradagi uchrashuvi bo‘lib o‘tdi.
Antikorrupsiya agentligi hukumatning mahkumlar uchun masofali video-uchrashuv pulli xizmatini yo‘lga qo‘yish loyihasini amaldagi qonunchilikka zid deb baholadi
Qaror loyihasi idoralararo kelishuv davomida Korrupsiyaga qarshi kurashish agentligiga kelishish uchun taqdim qilinmagan.
O‘zbekistonda mintaqaviy yuqori texnologik xab yaratish bo‘yicha strategik dastur tayyorlanadi
Kelgusi uch yilda O‘zbekiston—Koreya alohida strategik sherikligining yangi yuqori texnologiyali kun tartibi shakllantiriladi.
Janubiy Koreya prezidentining O‘zbekistonga tashrifi doirasida 17 ta hujjat imzolandi
Muzokaralar natijalari muhim kelishuvlar bilan mustahkamlandi.
O‘zbekistonda shakar narxi oshishi haqidagi xabarlar rad etildi
Raqobat qo‘mitasi shakar narxini barqaror saqlash bo‘yicha zarur chora-tadbirlar ishlab chiqilganini ma’lum qildi.
“Koreya bizdan ancha olisda joylashgan bo‘lsa-da, xalqlarimizning urf-odat va qadriyatlari, maʼnaviy olami va dunyoqarashi bir-biriga o‘xshashdir” — Shavkat Mirziyoyev
O‘zbekiston va Janubiy Koreya prezidentlari OAV vakillari uchun bayonot bilan chiqdi.
O‘zbekiston va Janubiy Koreya prezidentlari birgalikda daraxt ekdi
Marosim xalqlar o‘rtasidagi mustahkam do‘stlik va o‘zaro anglashuv mustahkamlanayotganining ramziy ifodasi bo‘ldi.
Sardor Kariyevning onasi sudda qatnashib, tovon pulini to‘lashni boshlashini aytdi. Jabrlanuvchilar Kariyevga uy qamog‘i qo‘llanishiga qarshimasligini ma’lum qildi
“Faqat bitta iltimosim shuki, o‘g‘limga nisbatan qo‘llangan qamoq ehtiyot chorasini uy qamog‘iga o‘zgartirib bersangiz, men qaror chiqqan kundan boshlab pulni to‘lashni boshlayman”, — dedi Munira Kariyeva.
O‘zbekiston va Janubiy Koreya prezidentlari Texnopark faoliyati bilan tanishdi (foto)
Davlat rahbarlari ikki mamlakat yetakchi korxonalari kooperatsiyasini kengaytirish muhimligini taʼkidladi.
Toshkentda ikkita avtobus to‘qnashishi oqibatida 4 kishi jarohatlandi
Holat yuzasidan xizmat tekshiruvi o‘tkaziladi.
Shavkat Mirziyoyev va Yun Sok Yol O‘zbekiston-Koreya biznes forumida ishtirok etdi
Yetakchilar biznes forum doirasida 9,6 mlrd dollarlik yangi investitsiya loyihalari to‘plami tayyorlanganini mamnuniyat bilan qayd etdi.
Izoh (0)