IIV Yo‘l harakati xavfsizligi xizmati Bo‘stonlik va Parkent tumanlariga hordiq chiqarish maqsadida boruvchi fuqarolarga murojaat bilan chiqdi.
Qayd etilishicha, dam olish kunlarida tirbandliklarning oldini olish hamda harakatni to‘g‘ri tashkil etish maqsadida transport vositalarining harakatlanish yo‘nalishi vaqtincha o‘zgargan.
Xususan, So‘qoqqa borish maqsadida Toshkent shahridan yo‘lga chiqilganda transport vositasi Yangi O‘zbekiston yo‘li bo‘ylab harakatlanib, 4R12 avtomobil yo‘li orqali Yangibozor—Parkent—Qiziltog‘ yo‘liga buriladi. Mazkur yo‘l bo‘ylab So‘qoq yoki Qiziltog‘ kabi dam olish joylariga borishda transport vositalarining harakatlanishi uchun hech qanday cheklovlar yo‘q.
Faqat So‘qoq, Sanganak, Nevich va Novdanak kabi manzillarda hordiq chiqarib bo‘lgach ortga qaytishda Parkent—Yangibozor yo‘li orqali emas, balki Qiziltog‘—Jumabozor—Bardanko‘l orqali yana 4R12 avtomobil yo‘liga chiqib olishlari mumkin.
- Prezident qarori bilan Qurbon hayiti 16-iyun — yakshanba kuni nishonlanadi.
- Haftasiga 5 kun ishlaydigan o‘zbekistonliklar ketma-ket 4 kun dam oladi: 17-iyun ko‘chirilgan dam olish kuni, 18-iyun esa barcha xodimlar uchun qo‘shimcha dam olish kuni bo‘ladi.
- 16-iyun soat 00:00 dan 10:00 ga qadar Toshkentda barcha turdagi yuk transport vositalarining harakati (kirish-chiqish-shahar ichida harakatlanish) vaqtincha cheklanadi.
Izoh (0)