Кувайтда хориждан келган ишчилар истиқомат қиладиган бинода ёнғин чиқиши оқибатида камида 35 киши ҳалок бўлди. Бу ҳақда Al Jazeera нашри хабар берди.
Маълумотларга қараганда, ёнғин Кувайт пойтахтидаги Мангаф туманида юз берган. Ушбу туман ҳудудида асосан хорижий фуқаролар: муҳожирлар ва кўчирилганлар истиқомат қилади.
Кувайт давлат матбуоти ушбу маълумотни тасдиқлаган. Ҳукумат расмийлари ҳолат юзасидан муносабат билдириб, ҳамдардлик эълон қилган.
Расмийлар 15 нафар шахс ёнғинда жароҳат олганини маълум қилган. Улар хорижликларга хизмат кўрсатадиган касалхонага жойлаштирилган.
“Ёнғин содир бўлган бино ишчилар турар жойи бўлган ва у ерда кўплаб ишчилар бор эди. Ўнлаб одамлар қутқариб олинди, аммо, афсуски, ёнғиндан тутун ютиш оқибатида кўплаб ўлимлар кузатилди”, — деган давлат телевидениесига берган интервьюсида юқори мартабали полиция қўмондони.
Полиция ҳалок бўлган ишчилар қайси корхонада қандай фаолият тури билан шуғулланганини маълум қилмаган. Ёнғин сабаблари ҳам ҳозирча аниқланмаган.
Изоҳ (0)