Fransiya prezidenti Emmanuel Makron, erta parlament saylovlari qanday bo‘lishidan qat’i nazar, iste’foga chiqmasligini aytdi.
Makrondan Yevropa parlamenti saylovlarida prezidentlik koalitsiyasidan ikki karra oldinda bo‘lgan o‘ta o‘ngchi “Milliy uyushma” (RN) g‘alaba qozongan taqdirda uning iste’fosini talab qilish xavfi haqida so‘ralganda, u quyidagicha javob bergan:
Konstitutsiyani RN yozmaydi. Saylov natijalari qanday bo‘lishidan qat’i nazar, qonun chiqaruvchi institutlarning o‘rni, prezidentning o‘rni allaqachon belgilangan. Men uchun ham bu daxlsizdir.
Avvalroq Europe 1 radiostansiyasi prezidentga yaqin manbalarga tayanib, Fransiya rahbari o‘z atrofidagilari bilan Milliy assambleyaga (Fransiya parlamentining quyi palatasi) chaqirilishi munosabati bilan iste’foga chiqish imkoniyatini muhokama qilayotgani haqida xabar bergandi.
Fransiyada 9-iyun kuni bo‘lib o‘tgan Yevroparlament saylovlarida o‘ta o‘ngchi Milliy uyushma (RN) partiyasi Makron tarafdorlari koalitsiyasida 31,36 foiz ovoz to‘plab yetakchilik qilgan edi. Shundan so‘ng Makron Milliy assambleya, Fransiya parlamentining quyi palatasi tarqatib yuborilishi va muddatidan oldin parlament saylovlari ikki turda — 30-iyun va 7-iyul kunlari o‘tkazilishini e’lon qildi.
Izoh (0)