Qrim byudjetiga ukrainalik oligarxlarning milliylashtirilgan aktivlarini sotish natijasida 2,1 milliard rubldan ortiq (Salkam 23,6 million dollar) mablag‘ kelib tushdi.Bu haqda “RIA Novosti” xabar beradi.
“2023-yilda 1,7 milliard rubllik (19 million dollardan ziyod), bu yil esa 416 million rubldan (4,7 mln dollar) ortiq sotuv amalga oshirildi. Shunday qilib, umumiy summa 2,1 milliard rubldan oshdi”, — dedi Rossiya tomonidan tayinlangan yarimorol parlamenti rahbari Vladimir Konstantinov.
U potensial investorlar va vositachilarning milliylashtirilgan aktivlarga yuqori talabi borligini aytib, ukrainalik oligarxlarning mol-mulki baholanayotganini ta’kidladi.
Konstantinov Ukraina hukumati tomonidan suv-energetika blokadalaridan ko‘rilgan zarar 14 trillion rubldan oshganini (deyarli 157 mlrd dollar) da’vo qilgandi. Blokadalarning har biri Qrimga 7 trillion rubl miqdorida zarar yetkazgani, ammo umumiy miqdor oshishi mumkinligi aytilgan.
Ukraina Rossiyaning 1 mlrd dollarlik aktivlarini musodara qilgan
Ma’lumot o‘rnida, Ukraina politsiyasi Rossiyaga aloqador 38 milliard grivnalik (deyarli 1 milliard dollar) aktivlarni musodara qilgan. Barcha aktivlar Ukraina manfaati va ehtiyojlari, shuningdek, harbiylar uchun foydalanilgan.
Milliy politsiyaning strategik tergov boshqarmasi rahbari Andrey Rubel Rossiya aktivlari hajmini baholash qiyinligi, chunki 2014-yildan beri Ukrainadagi barcha yirik bizneslar to‘g‘ridan to‘g‘ri yoki bilvosita rossiyaliklar bilan bog‘liqligini aytgan.
Izoh (0)