Fransiya prezidenti Emmanuel Makron kuchli va suveren Yevropani shakllantirishga chaqirdi, deya Deutsche Welle xabar berdi.
Fransiya rahbari Germaniyaga tashrifi chog‘ida Yevropa tinchlik, farovonlik va demokratiya tarixi ekanini aytgan. Biroq, uning fikricha, Yevropa harakat qilmasa, bularning barchasi xavf ostida qoladi.
Rossiya—Ukraina urushi boshlanganidan ikki yil o‘tib, Yevropa o‘z tarixida misli ko‘rilmagan lahzani boshdan kechirmoqda. Bu uni o‘z mudofaasi va xavfsizligi haqida mustaqil fikr yuritishga majbur qilmoqda, — dedi Makron.
U NATO doirasida ittifoqchi sifatida harakat qilish zarurligini ta’kidlab, Yevropa xavfsizligi tahdid ostida ekanini qo‘shimcha qilgan. Makron Yevropa Ittifoqi o‘z geografiyasini o‘zgartirmasligini, Rossiya esa bundan keyin ham YIning qo‘shnisi bo‘lib qolishini ta’kidlagan.
Fransiya rahbariga ko‘ra, iqtisodiy jihatdan Yevropa davlatlari ham Xitoy va AQSH raqobati oldida yanada suveren va mustaqil bo‘lishi kerak. U Yevropa o‘zini qayta kashf qilishi, kelajak avlodlar uchun yangi o‘sish paradigmasini qurishi kerakligini qo‘shimcha qilgan.
Izoh (0)