Kanadaning Nyu Brunsvik provinsiyasida 200 dan ortiq odamda sirli miya kasalligi aniqlandi. Kanadalik olim, mikrobiolog Maykl Kulthartga mazkur kasallikni o‘rganish taqiqlandi. Bu haqda The Guardian xabar berdi.
Ma’lum qilinishicha, 2021-yilda 40 dan ortiq bemor miya kasalligiga chalinganida, ularning aksariyatida ortiqcha so‘lak ajralishi kuzatilgan. Boshqa bemorlar esa o‘zini tanasida hasharotlar harakatlanayotganday his qilgan. Biroq oradan bir yil o‘tib, mustaqil komissiya bu odamlarga nevrologik kasallik tashxisi noto‘g‘ri qo‘yilgani, ularda demensiya va saraton kasalligi rivojlangani haqida xulosa chiqargan.
Ammo kanadalik olim Kulthartga ko‘ra, odamlarda neyrodegenerativ sindromlar atrof-muhit ta’sirida qo‘zg‘aydi yoki tezlashadi.
Mening ilmiy fikrim shuki, Nyu Brunsvikda nimadir sodir bo‘lmoqda, buni individual nevrologning tarafkashligi bilan tushuntirib bo‘lmaydi. Allaqachon 200 ga yaqin holatlar qayd etilgan, — deydi u.
Olim hamkasbiga yozgan maktublaridan birida aniqlangan g‘ayrioddiy simptomlarni ma’lum diagnostik patologiyalar bilan ifodalash qiyinligini aytgan. Uning fikricha, siyosatchilar kasallikni o‘rganishiga to‘sqinlik qilish uchun sabab va imkoniyat topgan.
Vaqt o‘tishi bilan haqiqat oydinlashishiga ishonaman, ammo hozircha qo‘limizdan kelganicha shubhali holatlar haqida ma’lumot to‘plashda davom etishimiz mumkin, — deb yozadi Kulthart.
Sirli miya kasalligiga chalingan bemorlardan biri u hech qanday tibbiy yordam olmagani, chunki sirli kasallik rasman tan olinmaganini aytmoqda.
Izoh (0)