Nigeriya Kasalliklarni nazorat qilish markazi (NCDC) ma’lumotlariga ko‘ra, o‘tgan haftada Nigeriyada yana 12 ta Lassa bezgagi bilan kasallanish holati qayd etilgan.
O‘limga olib keladigan kasallik Nigeriyaning 28 shtatidagi 124 ta hududga, jumladan, poytaxt Abujaga tarqalgan.
1-yanvardan buyon Nigeriyada jami 1001 ta xavfli kasallik bilan kasallanish holati aniqlangan, ulardan 179 tasi o‘lim bilan yakunlangan. Lassa bezgagi birinchi marta 1969-yilda Nigeriya shimoli-sharqidagi Borno shtatida aniqlangan.
Lassa bezgagi tufayli Nigeriya hukumati o‘tgan yilning fevral oyida favqulodda holat e’lon qilgan edi. Bezgak kalamush va sichqon najasi orqali yuqadi. Ushbu xavfli kasallik odamdan odamga yuqishi va o‘limga olib kelishi mumkin.
Mamlakat hukumati aholini ehtiyot choralarini ko‘rishga, gigiyena qoidalariga rioya qilishga va kemiruvchilar bilan aloqa qilmaslikka chaqirgan.
Izoh (0)