Kaliforniyaning Santa Fe Springs shahridagi Show FX ko‘rgazmasida aktyor va bodibilder Arnold Shvarseneggerning dunyodagi eng katta haykali yasaldi. Bu haqda Ginnes rekordlari kitobi saytida xabar berildi, deb yozadi Pravila Jizni.
Uning balandligi deyarli 7 metr bo‘lib, o‘rtacha jirafadan (5,5 metr) va Rashmor tog‘idagi AQSh prezidentlarining yuzlari tasvirlangan mashhur tog‘ning balandligidan (6 metr) oshadi.
Aktyor figurasi metall, plastik va penoplastdan tayyorlangan. Haykal Shvarsenegger yaqinda ijro etgan “Fubar” serialidagi Lyuk Brunner obrazi qiyofasida yasalgan. Netflix serial namoyishi bilan bir vaqtda Lyuk Brunnerning 10 sm hajmdagi kichik haykalchalari ham sotuvga qo‘yildi. Ko‘rgazmada namoyish etilgan haykal ularning ulkan nusxasidir.
Shu kabi rekordlar aktyor hayotida ko‘p bor o‘rnatilgan. Jumladan, Shvarsenegger bodibilder sifatida eng ko'p filmlarda rol ijro etgan aktyor (2017-yil holatiga ko‘ra 47 ta) va “Janob Olimpiya” konkursidagi eng yosh g‘olib (23 yosh) sifatida e’tirof etilgan.
Avvalroq mart oyi boshlarida Arnold Shvarseneggerga yurak stimulyatori o‘rnatilgani haqida xabar berilgan edi. 76 yoshli aktyor tashvishga tushgan muxlislariga javoban “hammasi yaxshi” ekanini bildirgan edi.
Izoh (0)