Калифорниянинг Санта Фе Спрингс шаҳридаги Show ФХ кўргазмасида актёр ва бодибилдер Арнольд Шварценеггернинг дунёдаги энг катта ҳайкали ясалди. Бу ҳақда Гиннес рекордлари китоби сайтида хабар берилди, деб ёзади Правила Жизни.
Унинг баландлиги деярли 7 метр бўлиб, ўртача жирафадан (5,5 метр) ва Рашмор тоғидаги АҚШ президентларининг юзлари тасвирланган машҳур тоғнинг баландлигидан (6 метр) ошади.
Актёр фигураси металл, пластик ва пенопластдан тайёрланган. Ҳайкал Шварценеггер яқинда ижро этган “Фубар” сериалидаги Люк Бруннер образи қиёфасида ясалган. Netflix сериал намойиши билан бир вақтда Люк Бруннернинг 10 см ҳажмдаги кичик ҳайкалчалари ҳам сотувга қўйилди. Кўргазмада намойиш этилган ҳайкал уларнинг улкан нусхасидир.
Шу каби рекордлар актёр ҳаётида кўп бор ўрнатилган. Жумладан, Шварценеггер бодибилдер сифатида энг кўп фильмларда рол ижро этган актёр (2017 йил ҳолатига кўра 47 та) ва “Жаноб Олимпия” конкурсидаги энг ёш ғолиб (23 ёш) сифатида эътироф этилган.
Аввалроқ март ойи бошларида Арнольд Шварценеггерга юрак стимулятори ўрнатилгани ҳақида хабар берилган эди. 76 ёшли актёр ташвишга тушган мухлисларига жавобан “ҳаммаси яхши” эканини билдирган эди.
Изоҳ (0)