Zamonaviy kinematografiya juda ko‘p aktyorlar faoliyat yuritadi. Ularning aksariyatini tomoshabinlar eslab ham qolmaydi, lekin dunyo bo‘ylab mashhurlikka erishganlari ham ko‘pchilikni tashkil qiladi. Baʼzida esa mashhurlik ko‘plab noqulay vaziyatlarga olib keladi, lekin mutlaqo kutilmagan sovg‘alarni ham taqdim qilish ehtimoli yo‘q emas.
Quyida bir paytlar o‘ynagan roli sabab boshqa mamlakat fuqaroligini olgan bir qancha iqtidorli va mashhur aktyorlar haqida hikoya qilamiz.
Robert De Niro
Gollivudning mashhur aktyorlaridan biri asli italyan bo‘lsa-da, aktyor faqatgina 57 yoshida Italiya fuqaroligini olgan. De Niro AQShda muhojirlar oilasida tug‘ilgan, shuning uchun u hech qanaqasiga Yevropa mamlakatlarining fuqaroligini olish uchun ariza bera olmagan.
Lekin De Niroga katta kinoda aynan italyan mafiozlarining rollari katta mashhurlik olib keldi. Buni “Cho‘qintirgan ota” filmidagi Vito Korleone, “Kazino”dagi Sem Eys obrazlari tasdiqlaydi. Shuningdek, u o‘ziga xos italyancha aksent bilan turli multfilmlarga ham ovoz bergan.
Bir payt De Niro uning aktyorlik taqdirini aynan italiyalik ildizlari belgilab bergani haqida mulohaza qilishni boshlagan. Venetsiyadagi festivallardan birida aktyor hatto intervyu berib, kinodagi xizmatlari uchun tez orada rasman italiyalik bo‘lishini aytgan.
Darhaqiqat, hukumat va prezident Silvio Berluskoni shaxsan De Niroga fuqarolik berishga ruxsat bergan. De Niro Italiya pasportini xalqaro kinofestivalda Rim meridan qabul qilib olgan.
Arnold Shvarsenegger
Fuqarolik berilgan De Nirodan farqli o‘laroq Arnold Shvarsenegger ko‘p yillar davomida bunga intilib yashashga majbur bo‘lgan. 21 yoshida u Avstriyadan AQShga kelgan va u yerda qisqa muddatli viza bilan yashagan. Vizani u og‘ir atletika bo‘yicha erishgan yutuqlari tufayli olgan.
Shvarsenegger bodibilding bo‘yicha bir qator oliy mukofotlarga erishish uchun yillar davomida sport zalida qattiq mehnat qilgan. Biroz vaqt o‘tgach, u bodibilding haqida mualliflik kitobini ham yozadi, kitob ko‘p yillar davomida dunyo bo‘ylab sportchilar orasida bestsellerga aylandi.
Taxminan o‘sha paytdan boshlab u filmlarda rol o‘ynay boshlaydi va bir vaqtning o‘zida biznes maktabida ham taʼlim olgan.
Lekin o‘sha yillar davomida uning fuqaroligi bo‘lmagan. Qariyb o‘n yil muhojir statusi bilan yashagan. Baʼzi hollarda hatto noqonuniy.
Nihoyat 15 yildan so‘ng aktyorga rasman fuqarolikni olish nasib qildi. Bunda esa Shvarseneggerga aktyorlik bo‘yicha mashhurligi katta yordam bergan. U o‘z biznesini ochish bahonasida fuqarolik olishga ariza topshirgan.
U avval ham shu yo‘l bilan fuqarolik olishga harakat qilib ko‘rgan, lekin rad javobini olgan. Lekin “Varvar-Konan” filmining muvaffaqiyatidan so‘ng, aktyorga fuqarolik berilgan.
Tom Xenks
Tom Xenksning qanday aktyor ekani haqida bahslashish noo‘rin. Ortda qolgan qirq yil ichida u ko‘plab mashhur filmlarida rol o‘ynadi. Uning butun dunyodan muxlislarga ega ekani ajablanarli emas. Ijodkorning muxlislaridan biri gretsiyalik.
Henksning rafiqasi onasi tomondan yunon, shuning uchun Henkslar oilasi bu mamlakatga muntazam tashrif buyurib turadi. 2018-yilda Gretsiyada katta o‘rmon yong‘inlari sodir bo‘ladi. Gretsiya esa bunday katta yong‘inga tayyor emas edi.
Tabiiy ofatga qarshi kurashish uchun qo‘shni mamkalatlar va alohida shaxslar yordamga keladi. Tabiiyki, Ular orasida Tom Xenks ham bor edi. Maʼlum bo‘lishicha, aktyor yong‘inlarni o‘chirish uchun katta mablag‘ ajratgan, shuningdek, amerikalik ko‘plab ziyoli qatlamni ham jalb qilgan.
Natijada yong‘inlar o‘chirildi va Xenks mahalliy bosh vazir tomonidan taklif qilinib, unga va barcha qarindoshlariga Gretsiya fuqaroligi beriladi. Maʼlum bo‘lishicha, bosh vazir Xenksning muxlisi va “Forrest Gamp” filmini juda yaxshi ko‘rgan.
Keri-Hiroyuki Tagava
Muvaffaqiyatli rolidan keyin fuqarolikni olgan yana bir aktyor Keri-Hiroyuki Tagava ismli amerikalik yapon aktyoridir. Tomoshabinlarga uni “o‘lim jangi” filmidagi sehrgar Shang Szung roli bilan tanilgan.
O‘zining ko‘p yillik faoliyati davomida aktyor faqat salbiy rollarni o‘ynagan, lekin 2015-yilda aktyor to‘satdan rus kinosida paydo bo‘ldi. Ijodkor “Ruhoniy san” filmida bosh rolni ijro etadi.
Kartina Syujeti yapon pravoslav ruhoniyining og‘ir hayoti haqida hikoya qiladi. Film unchalik mashhur bo‘lmagan bo‘lsa-da, Tagavaning o‘zida o‘chmas taassurotlar qoldirgan. Film suratga olganidan so‘ng, amerikalik aktyorda pravoslavlikni qabul qilish istagi paydo bo‘lgan.
Keri-Hiroyuki Rossiya filmidagi ishtiroki va pravoslavlikni qabul qilganidan so‘ng, deyarli ko‘p o‘tmay Rossiya fuqaroligini qabul qilgan.
Izoh (0)