Ukraina prezidenti Vladimir Zelenskiy Bryusselda bo‘lib o‘tgan matbuot anjumanida AQSH prezidenti Jo Bayden Shveysariya tomonidan tashkil etilgan Ukraina bo‘yicha tinchlik sammitida qatnashmasa, bu “juda kuchli qaror” bo‘lmasligini aytdi, deya Deutsche Welle xabar berdi.
Bayden jahon sammitiga kerak. Uning yo‘qligini Putin shaxsan olqishlaydi, — dedi Zelenskiy.
U Rossiya prezidenti Vladimir Putin tinchlik sammitidan juda qo‘rqishi va uni buzishga urinishda davom etishiga ishonch bildirgan.
Ukraina prezidentiga ko‘ra, Kiyev sammitda ishtirok etish bo‘yicha Xitoy, Braziliya va Afrikaning bir qancha davlatlaridan “ijobiy signallar olingan” javobni kutmoqda va bu tashabbusni qo‘llab-quvvatlagan barcha davlatlarga minnatdorchilik bildirmoqda.
Agar siz tinchlikni xohlasangiz, u yerda bo‘lasiz. Agar siz urushni xohlasangiz, Rossiya uyushtirmoqchi bo‘lgan yig‘inga borasiz, — deya qo‘shimcha qilgan Zelenskiy.
Avvalroq Ukraina va Belgiya xavfsizlik bo‘yicha hamkorlik yuzasidan shartnoma imzolagan edi. Belgiya Ukraina bilan birga ikki tomonlama xavfsizlik shartnomasi tuzgan 11-davlat bo‘lgan.
Ukraina bo‘yicha tinchlik konferensiyasi 15 —16-iyun kunlari Lutsernda bo‘lib o‘tadi. Shveysariya hukumatiga ko‘ra, jahon sammitiga 160 delegatsiya taklif qilingan.
Izoh (0)