Shimoliy Koreya tashqi ishlar vaziri o‘rinbosari Im Chong Il Amerikaning yangi yordami Kiyev rasmiylariga faqat vaqtinchalik ko‘mak beradi, deya fikr bildirdi. Bu haqda “RIA Novosti” xabar berdi.
Diplomatning ta’kidlashicha, AQSHning qo‘shimcha harbiy yordam to‘g‘risidagi qonun loyihasi Vladimir Zelenskiyning qo‘rquvini vaqtincha yengillashtiradigan psixotrop moddadir.
Im Chon Il, shuningdek, Zelenskiyning Rossiyaga qarshilik ko‘rsatishni davom ettirish istagi haqidagi bayonotlarini “XXI asr Don Kixotining” isteriyasi sifatida baholamaslik mumkin emasligini qo‘shimcha qilgan.
AQSH Senati Ukrainaga 60,84 milliard dollar harbiy yordam ko‘rsatish haqidagi qarorni ma’qullagan edi. Mazkur qaror kuchga kirishi uchun prezident Jo Bayden tomonidan imzolanishi kerak. Shundan so‘ng Ukrainaga harbiy yordamning birinchi partiyasi bir necha kun ichida yetkaziladi.
Izoh (0)