Qozog‘istonda yonilg‘i-moylash materiallari bilan ta’minlash bo‘yicha vaziyat yaxshilandi, mamlakat qo‘shni davlatlarga benzin eksport qilmoqchi. Bu haqda respublikasi energetika vaziri Almasadam Satkaliyevga tayanib, “Informburo.kz” xabar berdi.
Satkaliyev 2024-yilning to‘rt oyi yakunlariga ko‘ra, neftni qayta ishlash hajmi 2023-yilning shu davriga (5,6 million tonna) nisbatan 5,9 million tonnani yoki 105,4 foizni tashkil etganini ta’kidladi. Neft mahsulotlari ishlab chiqarish 2023-yilning shu davriga nisbatan (4,55 million tonna) 4,28 million tonnani yoki 94 foizni tashkil etdi.
Neft mahsulotlarini ishlab chiqarish bozoridagi hozirgi vaziyat quyidagicha:
- Neftni qayta ishlash zavodlari, neft bazalari va temiryo‘llarda dizel yoqilg‘isining umumiy zaxiralari ko‘paytirildi. Ular 612 ming tonnani (38 kun davomida), AI-92 benzini 352 ming tonnani (30 kunga), AI-95 benzini 86 ming tonnani (30 kunga) tashkil etadi, yonilg‘i-moylash materiallari ishlab chiqarilishi bilan zahiralar to‘ldirilmoqda;
- neftni qayta ishlash va buning natijasida og‘ir fraksiyalardan tozalan neft mahsulotlarini ishlab chiqarish 85 foizdan 87 foizgacha oshirildi;
- 5-may kuni Chimkent neftni qayta ishlash zavodida rejali kapital ta’mirlash ishlari yakunlandi va zavod normal rejimda ishlamoqda.
Shu bilan birga, neft mahsulotlari ishlab chiqarishni kengayishi hisobiga uni ko‘paytirish rejalashtirilgan:
- Oqtau bitum zavodi – 1 milliondan 1,5 million tonnagacha (2025);
- Chimkent neftni qayta ishlash zavodi – 6 milliondan 12 million tonnagacha (2030);
- Atirau neftni qayta ishlash zavodi – 5,5 milliondan 6,7 million tonnagacha (2027);
- Pavlodar neft-kimyo zavodi – 5,5 milliondan 8 million tonnagacha (2030).
“Ushbu loyihalarning amalga oshirilishi ichki bozorning yonilg‘i-moylash materiallariga o‘sib borayotgan talabini 100 foiz qondirish, shuningdek, neft mahsulotlarini qo‘shni davlatlarga eksport qilish imkonini beradi”, – dedi Qozog‘iston energetika vaziri.
Izoh (0)