Yaponiya dunyodagi birinchi yog‘ochdan yasalgan sun’iy yo‘ldoshni koinotga uchirmoqchi

Yaponiyada dunyodagi birinchi yog‘och sun’iy yo‘ldosh qurildi. U tez orada koinotga uchiriladi.

Bu haqda mutaxassislari deyarli to‘rt yil davomida LignoSat sun’iy yo‘ldoshini ishlab chiqish va yaratish uchun vaqt sarflagan Kioto universiteti ma’lum qildi.

Bayonotda aytilishicha, Kioto universiteti va Sumitomo Foresty o‘rmon xo‘jaligi korporatsiyasining qo‘shma tadqiqot guruhi yog‘och sunʼiy yo‘ldoshni 2020-yil aprel oyidan boshlab yasashni boshlagan.

Taʼkidlanishicha, bunday sunʼiy yo‘ldoshni yaratish g‘oyasi atrof-muhitga bo‘lgan g‘amxo‘rlik asosida bo‘lgan – missiyasini yakunlab Yerga qaytganida, bunday sun’iy yo‘ldosh atmosferaga kirgandan so‘ng butunlay yonib ketadi. Sun’iy yo‘ldosh devor o‘lchamlari 10 sm va qalinligi 4-5,5 mm bo‘lgan kubdan iborat. Shu bilan birga, u alyuminiydan yasalgan bir nechta eshiklarga ham ega ekanligi ta’kidlangan. Shuningdek, sun’iy yo‘ldosh quyosh panellari bilan jihozlangan bo‘lib, uning og‘irligi atigi 1 kg.

Shunisi e’tiborga loyiqki, sun’iy yo‘ldoshni yig‘ishda yapon an’anaviy yog‘ochdan ishlov berishning maxsus texnologiyasi qo‘llanilgan, bu esa mahkamlagichlar yoki biron bir yopishtiruvchi materiallardan foydalanishni talab qilmaydi. Yaponiyalik muhandislar sun’iy yo‘ldoshning koinotda bo‘lishi sinovdan o‘tganini ta’kidlamoqda. Sun’iy yo‘ldosh joriy yilda SpaceX raketasida koinotga uchirilishi kutilmoqda.