Қозоғистонда ёнилғи-мойлаш материаллари билан таъминлаш бўйича вазият яхшиланди, мамлакат қўшни давлатларга бензин экспорт қилмоқчи. Бу ҳақда республикаси энергетика вазири Алмасадам Саткалиевга таяниб, “Informburo.кз” хабар берди.
Саткалиев 2024 йилнинг тўрт ойи якунларига кўра, нефтни қайта ишлаш ҳажми 2023 йилнинг шу даврига (5,6 миллион тонна) нисбатан 5,9 миллион тоннани ёки 105,4 фоизни ташкил этганини таъкидлади. Нефть маҳсулотлари ишлаб чиқариш 2023 йилнинг шу даврига нисбатан (4,55 миллион тонна) 4,28 миллион тоннани ёки 94 фоизни ташкил этди.
Нефть маҳсулотларини ишлаб чиқариш бозоридаги ҳозирги вазият қуйидагича:
- Нефтьни қайта ишлаш заводлари, нефть базалари ва темирйўлларда дизель ёқилғисининг умумий захиралари кўпайтирилди. Улар 612 минг тоннани (38 кун давомида), АИ-92 бензини 352 минг тоннани (30 кунга), АИ-95 бензини 86 минг тоннани (30 кунга) ташкил этади, ёнилғи-мойлаш материаллари ишлаб чиқарилиши билан заҳиралар тўлдирилмоқда;
- нефтни қайта ишлаш ва бунинг натижасида оғир фракциялардан тозалан нефть маҳсулотларини ишлаб чиқариш 85 фоиздан 87 фоизгача оширилди;
- 5 май куни Чимкент нефтни қайта ишлаш заводида режали капитал таъмирлаш ишлари якунланди ва завод нормал режимда ишламоқда.
Шу билан бирга, нефть маҳсулотлари ишлаб чиқаришни кенгайиши ҳисобига уни кўпайтириш режалаштирилган:
- Оқтау битум заводи – 1 миллиондан 1,5 миллион тоннагача (2025);
- Чимкент нефтни қайта ишлаш заводи – 6 миллиондан 12 миллион тоннагача (2030);
- Атирау нефтни қайта ишлаш заводи – 5,5 миллиондан 6,7 миллион тоннагача (2027);
- Павлодар нефть-кимё заводи – 5,5 миллиондан 8 миллион тоннагача (2030).
“Ушбу лойиҳаларнинг амалга оширилиши ички бозорнинг ёнилғи-мойлаш материалларига ўсиб бораётган талабини 100 фоиз қондириш, шунингдек, нефть маҳсулотларини қўшни давлатларга экспорт қилиш имконини беради”, – деди Қозоғистон энергетика вазири.
Изоҳ (0)