Qozog‘iston ichki bozorda yoqilg‘i balansini saqlash va “kulrang” eksport xavfini minimallashtirish maqsadida xorijliklar uchun Ai-92, Ai-93 benzin va dizel yoqilg‘isi narxlarini oshirmoqchi. Bu haqda mamlakat Energetika vazirligi xabar berdi.
Yevrosiyo iqtisodiy ittifoqi mamlakatlari orasida Qozog‘iston yoqilg‘i-moylash materiallarining eng past narxlariga ega, bu esa neft mahsulotlarining boshqa mamlakatlarga tarqalishi va “kulrang” eksport xavfining yuqori bo‘lishiga olib keladi. Shu bois Energetika vazirligi xorijiy fuqarolar uchun quyidagi narxlarni belgilamoqchi: Ai-92 va Ai-93 benzini – litri uchun 245 tenge (6 900 so’mdan ziyod), dizel yoqilg‘isi (yozgi, mavsumdan tashqari) uchun – 315 tenge (8 900 so‘mdan ortiq).
Qozog‘istonda haydovchilik guvohnomasini olgan va transportini ro‘yxatdan o‘tkazgani to‘g‘risida guvohnomaga ega fuqarolar uchun narxlar o‘zgarmaydi: benzin litri uchun 205 tenge (5 700 so‘mdan ortiq) va dizel yoqilg‘isi litri uchun 295 tenge (8 300 so‘mdan ziyod).
Yakuniy qaror manfaatdor tomonlarning takliflarini inobatga olgan holda barcha tartib-qoidalar bajarilgandan keyin qabul qilinadi.
Izoh (0)