Eron Shanxay Hamkorlik Tashkilotiga (SHHT) aʼzo davlatlar eʼtiborini Parijdagi Olimpiada o‘yinlari boshlanishidan oldin G‘azoda o‘t ochishni to‘xtatish rejimini joriy etish zarurligiga qaratdi.
Bu haqda 29-may chorshanba kuni Islom inqilobi asoschisi Imom Humayniy maqbarasiga tashrifi chog‘ida Eronning sport va yoshlar vaziri Kumars Hoshimiy ma’lum qildi.
“SHHTga aʼzo davlatlar sport vazirlari yig‘ilishida Eron Parijdagi Olimpiada o‘yinlari boshlanishidan oldin falastinlik sportchilarning o‘yinlarda qatnashishi uchun xalqaro hamjamiyat G‘azo sektorida o‘t ochishni to‘xtatishni eʼlon qilishi kerakligini maʼlum qiladi”, - deyiladi uning chiqishida.
Avvalroq Isroil Milliy xavfsizlik kengashi G‘azodagi janglar yana kamida 7 oy davom etishini ma’lum qilgandi.
Izoh (0)