Qoraqalpog‘iston Respublikasida joylashgan avtomobillarga gaz tarqatish kompressor shoxobchasiga (AGTKSH) muvofiqlik sertifikatisiz mahsulot uchun jarima qo‘llandi.
Qoraqalpog‘iston Respublikasi nazorat inspeksiyasi tomonidan “T.M.S” MCHJ (nomi o‘zgartirilgan)da o‘tkazilgan tekshirishda avtomobillarga gaz tarqatish kompressor shoxobchasi tomonidan 222,64 million so‘mlik siqilgan tabiiy gaz mahsuloti muvofiqlik sertifikatisiz realizatsiya qilingani aniqlangan.
“Yuz.uz”ning yozishicha, aniqlangan holatlar yuzasidan Ma’muriy javobgarlik to‘g‘risidagi kodeksning 214-moddasi (sertifikatlashtirish va muvofiqlikni baholash qoidalarini buzish) 1-qismi bilan maʼmuriy bayonnoma rasmiylashtirilgan. Shuningdek, realizatsiya qilingan mahsulot qiymatining 50 foizi miqdorida jarima qo‘llash maqsadida iqtisodiy sudga kiritilmoqda.
Ichki yonuv dvigatellari uchun siqilgan tabiiy gaz mahsulotni sertifikatlashtirish yuzasidan yozma ko‘rsatma berilgan.
Bundan oldin Bosh prokuratura Toshkent viloyati Bo‘ka tumanidagi metan zapravkada bir oyda 1,8 milliard so‘mlik tabiiy gazdan noqonuniy foydalanilgani haqida xabar berilgandi.
Izoh (0)