Superliga. “Navbahor” so‘nggi daqiqalardagi gol evaziga “Neftchi”ni mag‘lub etdi, “OKMK” 8 ta gol urilgan o‘yinda “So‘g‘diyona”dan ustun keldi

Futbol bo‘yicha O‘zbekiston Superligasining 8-turidan o‘rin olgan ikki o‘yin 19-may, yakshanba kuni bo‘lib o‘tdi.

Vodiy derbisida “Navbahor” va “Neftchi” o‘zaro bahs olib bordi. Uchrashuvning so‘nggi daqiqalarida namanganliklar futbolchisi Ivanovich boshi bilan darvozani ishg‘ol qilib, jamoasiga g‘alaba keltirdi.

“OKMK” o‘z maydonida “So‘g‘diyona”ni qabul qildi. Uchrashuvning 10-daqiqasida Sardor Qulmatov avtogol muallifiga aylandi. 15-daqiqada Xurshid G‘iyosov hisobni ishonchli ko‘rinishga olib keldi. 21-daqiqada “So‘g‘diyona” futbolchisi Lyupcho Doriyev hisobni qisqartirdi. Bo‘lim oxirida Zoran Petrovich muvozanatni tikladi.

Ikkinchi bo‘limda ham jamoalar yana gollar shousini namoyish etdi. 72-daqiqada Lyupcho Doriyev penaltidan unumliy foydalanib, jizzaxliklarni hisobda oldinga olib chiqdi. Oradan 3 daqiqa o‘tib, Ali Abdurahmonov hisobni tenglashtirdi. So‘nggi daqiqalarda esa Abdurahmonov dubl qayd etdi, Irakli Ruhadze ham gol urib, jamoasining 5:3 hisobidagi g‘alabasini ta’minladi.

Bugungi uchrashuvlardan so‘ng turnir jadvali quyidagicha ko‘rinish oldi:

Superliga

8-tur

19-may, yakshanba

“Navbahor” – “Neftchi” 1:0

Gol: Filip Ivanovich, 90+3 (1:0).

“OKMK” – “So‘g‘diyona” 5:3

Gollar: Sardor Qulmatov, 10 avtogol  (1:0), Xurshid G‘iyosov, 15 (2:0), Lyupcho Doriyev, 21 (2:1), Zoran Petrovich, 41 (2:2), Lyupcho Doriyev, 72 pen (2:3), Ali Abdurahmonov, 75 (3:3), Ali Abdurahmonov, 84 (4:3), Irakli Ruhadze, 90+10 (5:3).