Superliga. “Dinamo” “Surxon”ga qarshi bahsda so‘nggi daqiqalarda gol urib, mag‘lubiyatdan qutulib qoldi, “Nasaf” va “Bunyodkor” o‘yinida hisob ochilmadi

Futbol bo‘yicha O‘zbekiston Superligasining 7-turidan o‘rin olgan ikki o‘yin 13-may, dushanba kuni bo‘lib o‘tdi.

“Nasaf” o‘zida “Bunyodkor”ni qabul qildi. Uchrashuvda hisob ochilmadi va 0:0 hisobi qayd etildi. Qayd etib o‘tish joiz, “Bunyodkor” futbolchisi Rasho 67-daqiqada qizil kartochka olib, maydonni tark etdi. Qolgan daqiqalarda jamoa bir kishi kam bo‘lib harakat qildi. 

“Surxon” “Dinamo”ga qarshi bahs olib bordi. Uchrashuvning birinchi bo‘limida darvozalar ishg‘ol etilmadi. Ikkinchi bo‘lim boshida esa surxonliklar hisobni ochdi. 49-daqiqada Ulug‘bek Hoshimov o‘z nomini tabloga yozdirib qo‘ydi.

O‘yinning so‘nggi daqiqalarda samarqandliklar penatli ishlab oldi. 90+10-daqiqada Anvar Hojimirzayev penaltini aniq amalga oshirdi. Shu tariqa uchrashuv durang natija bilan yakunlandi.

Superliga

7-tur

13-may, dushanba

“Nasaf” – “Bunyodkor” 0:0

“Nasaf”: 35. Abduvohid Ne’matov, 5. G‘olib G‘aybullayev, 7. Akmal Mozgovoy, 14. Sharof Muhitdinov, 22. Igor Golban (88. Marko Stanoyevich, 17), 27. Islom Kenjaboyev (20. Viktor Da Silva, 55), 28. Shuhrat Muhammadiyev, 32. Zoran Marushich, 34. Sherzod Nasrullayev, 70. Jambuli Jigauri (10. Bobir Abdiholiqov, 73), 77. Oybek Bozorov.

“Bunyodkor”: 1. Marin Lyubich, 3. Mahmud Mahamadjonov, 4. Najmiddin Normurodov, 5. Momchilo Rasho, 7. Suhrob Izzatov, 8. Frane Chiryak (25. Amirbek Saidov, 76), 10. Rasul Yo‘ldoshev (6. Samir Jelkovich, 76), 14. Mirjahon Mirahmadov (22. Usmonali Ismonaliyev, 60), 45. Farhod O‘tkirov (77. Muzaffar Olimjonov, 52), 66. Azizbek To‘lqinbekov, 92. Toni Yovich.

Ogohlantirishlar: Mahmud Mahamadjonov (39), Rasul Yo‘ldoshev (68), Marko Stanoyevich (71), Shuhrat Muhammadiyev (80), Toni Yovich (90). 

Chetlatish: Momchilo Rasho (67).

“Surxon” – “Dinamo” 1:1

Gollar: 1:0 — 49 Hoshimov, 1:1 — 90+10 Anvar Hojimirzayev (penalti).

“Surxon”: 16. Dilshod Yo‘ldoshev, 2. Bobur Asqarov, 3. Sunnatulloh Hamidjonov, 4. Nodirxon Ne’matxonov, 7. Doston Tursunov, 8. Humoyun Sherbo‘tayev, 9. Ulug‘bek Hoshimov, 10. Dmitriy Pletnyov, 17. Jahongir Abdusalomov, 19. Muhammadali Abdurahmonov, Behruz Shaydulov.

“Dinamo”: 13. Ravshanbek Yagudin, 3. Ulug‘bek Abdullayev, 7. Fransis Narx, 9. Humoyunmirzo Iminov, 10. Joel Kojo, 11. Damir Temirov (29. Vladimir Kozak, 46), 17. Salim Mustafoyev, 21. Anvar Hojimirzayev, 22. Sanjar Shoahmedov (58. Husniddin G‘ofurov, 89), 23. Farruh Ikromov (35. Emmanuel Yagr, 46), 44. Dushan Miyich.

Ogohlantirishlar: Joel Kojo (60), Dilshod Yo‘ldoshev (62).