Futbol bo‘yicha Germaniya chempionatining yakuniy, 34-turi o‘z nihoyasiga yetdi.
Chempionat yetakchisi “Bayer” o‘zining mag‘lubiyatsiz seriyasini davom ettirdi. Leverkuzenliklar “Augsburg” ustidan g‘alaba qozondi va chempionatni mag‘lubiyatsiz yakunlashga erishdi. Alonso shogirdlari 28 g‘alaba va 6 durang qayd etib, mavsumni 90 ochko bilan yakunladi.
“Bavariya” kutilmaganda mehmonda “Hoffenhaym”ga yutqazib qo‘ydi. Avvaliga 2 gol urib oldinga chiqib olgan mehmonlar, keyinchalik ustunlikni “Hoffenhaym”ga topshirdi va o‘z darvozasidan 4 bora to‘p olib chiqdi.
“Shtutgart” o‘z uyida “Borussiya M” jamoasini qabul qilib yirik hisobda g‘alaba qozondi. Raqiblar darvozasiga 11 bor aniq zarba bergan mezbonlar yakunda 4:0 hisobida g‘alaba qozondi. Ushbu g‘alabadan so‘ng “Shtutgart” o‘z ochkolari sonini 73 taga yetkazib turnirni ikkinchi o‘rinda yakunlashga muvaffaq bo‘ldi.
So‘nggi turda mag‘lubiyatga uchragan Tuxel shogirdlari 72 ochko bilan qoldi va Bundesliga bronza medallariga ega chiqmoqda.
Turnir jadvalida so‘nggi o‘rinni egallab turgan “Kyoln” hamda “Darmshtadt” klubi chempionatni tark etdi. “Boxum” klubi o‘tish o‘yinida 2-divizion vakili bilan kurash olib boradi.
So‘nggi turdan so‘ng turnir jadvali quyidagi ko‘rinishni oldi:
Izoh (0)