Rossiyaning Yekaterinburg shahri “Koltsovo” aeroportida Ural Airlines kompaniyasi samolyoti odamni bosib ketdi. Bu haqda Ural Mash xabar berdi.
Favqulodda holat aeroport texnigi samolyot havoga ko‘tarilishidan oldin uning shassisini tekshirayotganda sodir bo‘lgan. Texnik samolyot holatini tekshirayotganda, Yekaterinburg—Bishkek reysi uchuvchisi parvozga ruxsat signalini kutmay, harakatlana boshlagan. Oqibatda erkak samolyot g‘ildiraklari ostida qolgan.
Ta’kidlanishicha, jabrlanuvchi tirik va suyaklari singan holda shifoxonaga yetkazilgan. Samolyotning butun ekipaji ishdan chetlatilgan. Oradan uch soat o‘tgach, yo‘nalish bo‘ylab yana bir samolyot havoga ko‘tarilgan.
Izoh (0)