Amerikaning Radia kompaniyasi dunyodagi eng katta samolyot yaratish rejasi bilan o‘rtoqlashdi. Gigant samolyot qayta tiklanadigan energiya sohasida inqilobiy o‘zgarishlar qilishga va’da bermoqda. Bu haqda New Atlas xabar berdi.
Uzunligi 108 metr bo‘lgan Radia Windrunner juda katta yuklarni tashishga mo‘ljallangan, qanotlari kengligi 80 metrga yetadi. Aviatexnikaning uchuvchilar kabinasi korpusning yuqori qismida joylashadi. Yuk bo‘limining hajmi 8200 kub metr, u 72 tonnagacha yuklarni, jumladan, shamol elektr stansiyasi uchun parraklar, turbina tashishi mumkin. Bundan tashqari, samolyot og‘ir harbiy texnikani tashishda ham qo‘llanilishi kutilmoqda.
Windrunner 1800 metrlik nisbatan qisqa uchish-qo‘nish yo‘lagidan foydalanishga mo‘ljallangan. Odatda kichikroq yo‘lovchi layneri 30-110 foiz uzunroq uchish-qo‘nish yo‘lagidan foydalanadi. Radia loyiha uchun 104 million dollar yig‘gan, samolyot to‘rt yil ichida qurilib, sinovdan o‘tkazilishi va sertifikatlanishi kutilmoqda.
U quruqlikdagi shamol elektr stansiyalari uchun yetkazib bera oladigan kattaroq turbinalar toza energiya narxini 35 foizga kamaytiradi.
Izoh (0)