“Sport sohasida korrupsiyaning oldini olish maqsadida O‘zbekiston Respublikasining Jinoyat kodeksiga qo‘shimchalar kiritish to‘g‘risida”gi qonun ma’qulladi.
Qonun bilan Jinoyat kodeksiga sport musobaqalari ishtirokchilari va tashkilotchilarining qonunga xilof ravishda moddiy qimmatliklar olgani yoki mulkiy manfaatdor bo‘lgani, shuningdek, sport musobaqalari ishtirokchilari va tashkilotchilarini pora evaziga og‘dirib olganlik uchun javobgarlikni belgilovchi qo‘shimchalar kiritilmoqda.
Senatorlarning fikricha, ushbu qonun milliy qonunchilikni zamonaviy xalqaro standartlar va ilg‘or xorijiy tajribani inobatga olgan holda takomillashtirishga, korrupsiyaga nisbatan murosasiz munosabatni shakllantirishga, sport sohasidagi jinoyatlarni sodir etganlik uchun javobgarlikning muqarrarligini taʼminlashga, shuningdek O‘zbekistonning xalqaro maydondagi nufuzini mustahkamlashga xizmat qiladi.
Mazkur qonun loyihasi 2023-yilning dekabrida O‘zbekistonda ilk marotaba o‘tkazilgan “Korrupsiyaga qarshi kurashish bo‘yicha yuksak xalqaro mukofot” bilan taqdirlash marosimi doirasida Shavkat Mirziyeyov tomonidan belgilangan vazifalar asosida ishlab chiqilgan 2024—2026-yillarga mo‘ljallangan “yo‘l xaritasi” ijrosi doirasida ishlab chiqilgandi.
Izoh (0)