“Спорт соҳасида коррупциянинг олдини олиш мақсадида Ўзбекистон Республикасининг Жиноят кодексига қўшимчалар киритиш тўғрисида”ги қонун маъқуллади.
Қонун билан Жиноят кодексига спорт мусобақалари иштирокчилари ва ташкилотчиларининг қонунга хилоф равишда моддий қимматликлар олгани ёки мулкий манфаатдор бўлгани, шунингдек, спорт мусобақалари иштирокчилари ва ташкилотчиларини пора эвазига оғдириб олганлик учун жавобгарликни белгиловчи қўшимчалар киритилмоқда.
Сенаторларнинг фикрича, ушбу қонун миллий қонунчиликни замонавий халқаро стандартлар ва илғор хорижий тажрибани инобатга олган ҳолда такомиллаштиришга, коррупцияга нисбатан муросасиз муносабатни шакллантиришга, спорт соҳасидаги жиноятларни содир этганлик учун жавобгарликнинг муқаррарлигини таъминлашга, шунингдек Ўзбекистоннинг халқаро майдондаги нуфузини мустаҳкамлашга хизмат қилади.
Мазкур қонун лойиҳаси 2023 йилнинг декабрида Ўзбекистонда илк маротаба ўтказилган “Коррупцияга қарши курашиш бўйича юксак халқаро мукофот” билан тақдирлаш маросими доирасида Шавкат Мирзиеёв томонидан белгиланган вазифалар асосида ишлаб чиқилган 2024—2026 йилларга мўлжалланган “йўл харитаси” ижроси доирасида ишлаб чиқилганди.
Изоҳ (0)