Qozog‘istonda oxirgi 80 yildagi eng yirik suv toshqini oqibatlari munosabati bilan Yevrosiyo taraqqiyot banki (YTB) mamlakatning qator viloyatlarida tabiiy ofat oqibatlarini bartaraf etish uchun moliyaviy yordam yuborishga qaror qildi.
Qozog‘istondagi vaziyatning ahamiyatini e’tirof etgan holda, biz suv toshqinidan jabr ko‘rgan hududlarni qo‘llab-quvvatlash uchun 1 million dollar miqdorida moliyaviy yordam ajratdik, — dedi Yevropa taraqqiyot banki boshqaruvi raisi Nikolay Podguzov.
14-may kuni bosh vazir o‘rinbosari Kanat Bozumbayev suv toshqinidan jabrlanganlarga to‘lanadigan tovon puli miqdorini e’lon qilgan edi.
Respublika bo‘yicha qariyb 13 mingta uy, 26 mingta yozgi dacha-uchastkalari suv ostida qolgan. Shikastlangan uylar va dachalarga yetgan zararni aniqlash ishlari olib borilmoqda. Kompensatsiya miqdori o‘rganilmoqda. Bugungi kunga qadar 20 600 oilaga taxminan 800 dollar (369 200 tenge) miqdorida bir martalik yordam ko‘rsatildi, — deydi Bozumbayev.
Aprel oyi boshida Qozog‘iston viloyatlarida suv toshqinlari yuz bergan edi. 17-aprelga qadar mamlakatning bir qancha hududlarida evakuatsiya e’lon qilingan, evakuatsiya qilingan qozog‘istonliklar soni 116 mingdan oshgan. Mamlakatda suv toshqinlari oqibatida 7 kishi halok bo‘lgan.
Izoh (0)