Ispaniya hukumati Isroilga qurol-yarog‘ olib ketayotgan kemani Kartaxena portiga kiritishdan bosh tortdi. Bu haqda Ispaniya transport vaziri Oskar Puente Santyagoga tayanib, Euronews xabar berdi.
Uning so‘zlariga ko‘ra, mazkur harakat Ispaniya TIV buyrug‘iga binoan amalga oshirilgan. Ispan OAVga ko‘ra, kema bortida deyarli 27 tonna portlovchi moddalar bo‘lgan.
Avvalroq Ispaniya bosh vaziri Pedro Sanches Madrid Isroilga qurol sotishni to‘xtatganini e’lon qilib, boshqa davlatlarni ham shunday qilishga chaqirgan. Sanches G‘azoda doimiy o‘t ochishni to‘xtatish va Falastinni BMTga to‘laqonli a’zo bo‘lgan suveren davlat sifatida xalqaro tan olinishini talab qilishda boshqa dunyo yetakchilariga qo‘shilgan.
Ayni paytda Isroilning G‘azo janubidagi Rafahdagi harbiy amaliyoti davom etmoqda. So‘nggi kunlarda nafaqat janubda, balki G‘azo shimolida ham janglar kuchaygan.
Avvalroq Isroil mudofaa vaziri Yoav Gallant Rafah hududiga qo‘shimcha kuchlar yuborishini aytgan edi. Qo‘shimcha kuch yuborishdan asosiy maqsad operatsiyani tezroq yakunlash.
Men Rafah hududidaman. Qo‘shinlarimiz aʼlo darajada vazifa bajaryapti. Yuzlab nuqtalar allaqachon nishonga olingan. Bo‘linmalarimiz hududda manyovrlar amalga oshirmoqda, — deya ta’kidlagan edi isroillik vazir.
Izoh (0)