Қозоғистонда охирги 80 йилдаги энг йирик сув тошқини оқибатлари муносабати билан Евросиё тараққиёт банки (ЕТБ) мамлакатнинг қатор вилоятларида табиий офат оқибатларини бартараф этиш учун молиявий ёрдам юборишга қарор қилди.
Қозоғистондаги вазиятнинг аҳамиятини эътироф этган ҳолда, биз сув тошқинидан жабр кўрган ҳудудларни қўллаб-қувватлаш учун 1 миллион доллар миқдорида молиявий ёрдам ажратдик, — деди Европа тараққиёт банки бошқаруви раиси Николай Подгузов.
14 май куни бош вазир ўринбосари Канат Бозумбаев сув тошқинидан жабрланганларга тўланадиган товон пули миқдорини эълон қилган эди.
Республика бўйича қарийб 13 мингта уй, 26 мингта ёзги дача-участкалари сув остида қолган. Шикастланган уйлар ва дачаларга етган зарарни аниқлаш ишлари олиб борилмоқда. Компенсация миқдори ўрганилмоқда. Бугунги кунга қадар 20 600 оилага тахминан 800 доллар (369 200 тенге) миқдорида бир марталик ёрдам кўрсатилди, — дейди Бозумбаев.
Апрель ойи бошида Қозоғистон вилоятларида сув тошқинлари юз берган эди. 17 апрелга қадар мамлакатнинг бир қанча ҳудудларида эвакуация эълон қилинган, эвакуация қилинган қозоғистонликлар сони 116 мингдан ошган. Мамлакатда сув тошқинлари оқибатида 7 киши ҳалок бўлган.
Изоҳ (0)