“Suxoy” qiruvchi samolyotlari turkumi harbiy aviatsiya nuqtayi nazaridan dunyodagi eng mashhurlaridan biridir. Bu turdagi samolyotlarning evolyutsiyasi harbiy aviatsiya texnologiyasidagi sezilarli yutuqlarni aks ettiradi. Ushbu samolyotlar o‘zining ko‘p qirraliligi, tezligi va otishma kuchi tufayli butun dunyo bo‘ylab yetakchi hisoblanadi.
XX asr o‘rtalarida Pavel Suxoy tomonidan ishlab chiqarilgan Suxoy seriyasi Su-7 va Su-9 kabi modellardan boshlab turli xil jangovar talablarni qondirish uchun ishlab chiqilgan.
Suxoy qiruvchi samolyotlari eng ko‘p bo‘lgan mamlakatlarni aniqlash uchun “24/7 Wall St.” aviatsiya va aerokosmik sanoati nashri FlightGlobal’ning 2024-yilgi Jahon havo kuchlari hisobotini taqdim etdi. GlobalFirePower’ga tayanib, ushbu hisobotga har bir mamlakatning hozirgi havo kuchlari va umumiy harbiy kuchlar reytingi haqida qo‘shimcha ma’lumotlar kiritilgan.
“Suxoy” samolyotlariga ega davlatlar yuqori o‘ntaligini Rossiya (1082), Xitoy (399), Hindiston (266), Aljir (105), Vyetnam (79), Qozog‘iston (69), Ukraina (65), Belarus (61), Suriya (57), Shimoliy Koreya (56) egallagan.
Rossiyadan tashqari, Hindiston va Xitoyda “Suxoy” samolyotlarining katta parklari, shuningdek, ularning strategik ehtiyojlariga moslashtirilgan variantlari mavjud.
“24/7 Wall St.” taqdim etgan hisobotga “Suxoy” samolyotlariga egalik qiluvchi jami 34 ta davlat kiritilgan bo‘lib, O‘zbekiston “Suxoy”lar soni bo‘yicha mazkur ro‘yxatda 11-o‘rinni qayd etgan. O‘zbekistonda 38 ta “Suxoy” samolyotlari mavjud. Bundan tashqari, 100 ta qiruvchi vertolyotlar, 7 ta o‘quv samolyot va vertolyotlariga ega.
Izoh (0)