“Сухой” қирувчи самолётлари туркуми ҳарбий авиация нуқтаи назаридан дунёдаги энг машҳурларидан биридир. Бу турдаги самолётларнинг эволюцияси ҳарбий авиация технологиясидаги сезиларли ютуқларни акс эттиради. Ушбу самолётлар ўзининг кўп қирралилиги, тезлиги ва отишма кучи туфайли бутун дунё бўйлаб етакчи ҳисобланади.
ХХ аср ўрталарида Павел Сухой томонидан ишлаб чиқарилган Сухой серияси Су-7 ва Су-9 каби моделлардан бошлаб турли хил жанговар талабларни қондириш учун ишлаб чиқилган.
Сухой қирувчи самолётлари энг кўп бўлган мамлакатларни аниқлаш учун “24/7 Wаll St.” авиация ва аэрокосмик саноати нашри FlightGlobal’нинг 2024 йилги Жаҳон ҳаво кучлари ҳисоботини тақдим этди. GlobalFirePower’га таяниб, ушбу ҳисоботга ҳар бир мамлакатнинг ҳозирги ҳаво кучлари ва умумий ҳарбий кучлар рейтинги ҳақида қўшимча маълумотлар киритилган.
“Сухой” самолётларига эга давлатлар юқори ўнталигини Россия (1082), Хитой (399), Ҳиндистон (266), Алжир (105), Вьетнам (79), Қозоғистон (69), Украина (65), Беларусь (61), Сурия (57), Шимолий Корея (56) эгаллаган.
Россиядан ташқари, Ҳиндистон ва Хитойда “Сухой” самолётларининг катта парклари, шунингдек, уларнинг стратегик эҳтиёжларига мослаштирилган вариантлари мавжуд.
“24/7 Wаll St.” тақдим этган ҳисоботга “Сухой” самолётларига эгалик қилувчи жами 34 та давлат киритилган бўлиб, Ўзбекистон “Сухой”лар сони бўйича мазкур рўйхатда 11-ўринни қайд этган. Ўзбекистонда 38 та “Сухой” самолётлари мавжуд. Бундан ташқари, 100 та қирувчи вертолётлар, 7 та ўқув самолёт ва вертолётларига эга.
Изоҳ (0)