IIV Yo‘l harakati xavfsizligi xizmati Namangan viloyatida yo‘l harakati qoidalarini buzgan to‘y korteji yuzasidan ma’lumot berdi.
Ijtimoiy tarmoqlarda guruh bo‘lib, turli xavfli manyovrlar bilan harakatlangan hamda avtomobiliga ruxsat etilmagan maxsus qurilma (migalka) o‘rnatgan haydovchilarning videosi tarqaldi.
Ma’lum qilinishicha, videodagi holat 2023-yilning yozida Namangan viloyatida sodir bo‘lgan. FHDYga yo‘l olgan to‘y korteji turli xavfli manyovrlarni amalga oshirgan.
Video Namangan viloyati IIB JXX Yo‘l harakati xavfsizligi xizmati xodimlari tomonidan o‘rganilib, ushbu qoidabuzarliklarni sodir etgan haydovchilarga nisbatan qonuniy chora ko‘rilgan, avtomobillar esa jarima maydoniga joylashtirilgan.
Bundan oldin Qoraqalpog‘istondagi to‘yda tanasini mashinadan chiqarib tasvirga olgan operatorlar va haydovchi jarimaga tortilgan edi. Shuningdek, Andijonda 20 yoshli qiz mashinadan tanasini chiqarib harakatlangani, Samarqandda harakatlanayotgan Gentra’dan tanasini chiqarib, soxta dollar sochgan yigitlarga chora ko‘rilgani to‘g‘risida xabar berilgandi.
Izoh (0)