Makron Putinga ta’sir o‘tkazishning kutilmagan usulini o‘ylab topdi — Bloomberg

Fransiya prezidenti Emmanuel Makron Xitoy rahbari Si Szinpin orqali Rossiya prezidenti Vladimir Putinga ta’sir o‘tkazmoqchi, deb yozadi Bloomberg.

Makron Szinpinning Fransiyaga ikki kunlik tashrifi chog‘ida u bilan shaxsiy aloqalarini mustahkamlashga intiladi, chunki u Xitoy rahbari Putinni Ukrainaga qarshi urushni to‘xtatishga undashini istaydi, — deya taʼkidlagan Fransiya prezidentining rejalaridan xabardor manbalar.

Ma’lum bo‘lishicha, Makron, shuningdek, Xitoy mablag‘larini Fransiyaning elektromobil akkumulyatorlari sektoriga jalb qilmoqchi.

Xitoy rahbari Si Szinpin 5-10 may kunlari Fransiya, Serbiya va Vengriyaga tashrif buyuradi.

Avvalroq Si Szinpin “RIA Novosti” va “Rossiyskaya gazeta” nashrlariga yozgan fikr-mulohaza maqolasida Rossiya va Xitoy o‘zaro siyosiy ishonchni muttasil mustahkamlab, abadiy do‘stlik va o‘zaro manfaatli hamkorlik konsepsiyasiga amal qilishini aytgan edi.