AQSH sobiq prezidenti Donald Tramp pornoaktrisa Stormi Denielsga sukut saqlashi uchun pul to‘lagani ortidan to‘qqiz ming dollar jarimaga tortildi. Bu haqda Reuters xabar berdi.
Ma’lum qilinishicha, Tramp go‘yoki pornoaktrisaga ular o‘rtasida yuz bergan jinsiy aloqa haqida sukut saqlash uchun 130 ming dollar to‘lagan. Bundan tashqari, deklaratsiyada Tramp ushbu to‘lovni yuridik xizmat sifatida rasmiylashtirgan.
Ish Nyu-York sudida ko‘rib chiqilgan. Tramp ijtimoiy tarmoqlarda pornoaktrisaga to‘lovlar bo‘yicha ish tafsilotlarini oshkor etish taqiqini buzgan postlari uchun 9 ming dollar jarimaga tortilgan. Sud yangi qonunbuzarliklar aniqlansa, sobiq prezident qamoqqa olinishi mumkinligini aytgan.
Tramp Daniels bilan yaqin munosabatda bo‘lganini, shuningdek, saylovoldi tashviqoti mablag‘laridan noqonuniy foydalanganini rad etadi. Siyosatchiga nisbatan yana uchta jinoiy ish ochilgan. Ulardan biri Floridadagi saroyida maxfiy hujjatlarning noqonuniy saqlanishi bilan bog‘liq. Qolgan ikki holat 2020-yilgi prezidentlik saylovlariga aralashishga urinish ayblovidir.
Izoh (0)