Fransiya prezidenti Emmanuel Makron Isroil jamoasining 2024-yilgi Parijdagi Olimpiya o‘yinlarida o‘z bayrog‘i ostida ishtirok etishi Isroilning hujumkor emasligi bilan izohlanishini aytdi. Bu haqda BFMTV telekanaliga tayanib, Rambler xabar berdi.
Shuningdek, Makron rossiyalik sportchilarning bu huquqdan mahrum etilishini o‘rinli deb hisoblagan.
Isroilni hujumchi tomon deb aytish mumkin emas. U teraktga uchragan va bunga javob qaytarmoqda, — dedi Makron.
Avvalroq Davlat dumasi spikeri o‘rinbosari Boris Chernishov Parijdagi Olimpiada arafasida Makron Rossiya haqida tanqidiy gapira boshlagani, chunki Sochida bo‘lib o‘tgan o‘yinlar tufayli Makron Putinga hasad qilishi haqida aytgan edi. Deputatning fikricha, Makron uchun o‘z mamlakatining buyukligini namoyish etish, ayniqsa, muhim.
Rossiya prezidenti matbuot kotibi Dmitriy Peskov avvalroq Makronning Rossiyaning Parijdagi Olimpiadani buzishga urinishlari haqidagi bayonotlari asossiz va qabul qilib bo‘lmas ekanligini ta’kidlagan edi. Uning so‘zlariga ko‘ra, ular hech qanday adekvat dalillar bilan tasdiqlanmagan.
Izoh (0)