Misr G‘azo masalasida muzokara o‘tkazish uchun Isroilga delegatsiya jo‘natdi — Al Jazeera

Misr HAMAS bilan o‘t ochishni to‘xtatish kelishuvida vositachilik qilish umidida Isroilga yuqori darajadagi delegatsiya jo‘natdi. Bu haqda Al Jazeera nashri xabar berdi.

Xabarda aytilishicha, Misrning oliy razvedka yetakchisi Abbos Kamel delegatsiyaga boshchilik qilmoqda. U Isroil bilan chegarada uzoq muddatli o‘t ochishni to‘xtatish bo‘yicha “yangicha qarash”ni ilgari surmoqda.

“Muzokaralar dastavval HAMAS qo‘lidagi asirlarni falastinlik mahbuslar bilan cheklangan almashish va ko‘chirilgan falastinliklarning muhim qismini G‘azo shimolidagi uylariga “minimal cheklovlar bilan” qaytarishga qaratiladi”, — deyilgan Misr OAVlari tarqatgan xabarda.

Misr rasmiylari ,shuningdek, Isroilning Rafahga ehtimoliy hujumi mintaqaviy barqarorlik uchun halokatli oqibatlarga olib kelishi mumkinligidan ogohlantirgan. Gumanitar halokat kuchayishining oldini olish uchun Tel-Avivni murosaga chaqirgan.

Hozircha muzokaralarning to‘liq tafsilotlari maʼlum qilinmagan. Misr vakili aytgan “yangicha qarash” qanday ekanligi ham oshkor etilmagan.